9 / 16
7
Octobre - Novembre - Décembre - 2017
amintsika fa raha misy te hanaraka Azy dia aoka handaha ny
tena sy hitondra ny hazofijaliana. I Masina Maria dia nanana
fandavan-tena ka nanatanteraka ny sitrapon’Andriamanitra
na dia nitondrany fijaliana aza.
Teo koa ny nitadiavany an’i Jesoa izay nijanona tao an-
tempoly rehefa niakatra tany Jerosalema izy ireo (Lk 2, 45-46).
Rehefa tsy nahita an’i Jesoa I Maria sy Josefa dia nikaroka azy
satria nahatsapa fa manana adidy amin’ny Zanany. Teo koa
ny fiarahany tamin’i Jesoa sy tamin’ny Mpianatra izay tsapany
sy notazoniny tao am-pony mandrakariva fa
Zanak’Andriamanitra tokoa i Jesoa: fampakaram-bady tany
Kana (Jn 2,1-4). Niangavy tamin’i Jesoa izy mba hanala ny
fahasahiranan’ny tompo-pety izay lany divay. Mahita sy
mangoraka ny fahasahiranan’ny hafa izy ka mitalaho
amin’Andriamanitra mba ho afa-pasahiranana. Dia izany koa
no antony hangatahantsika vavaka aminy satria izy ihany koa
no afaka mampita ny hafatra sy ny fangatahantsika any amin’i
Jesoa Zanany. Fa miangavy antsika koa izy mba
hanatanteraka ny Tenin’Andriamanitra isika (Jn 2,5). Izany no
anjara toeran’i Masina Maria eo amin’ny Fiangonana sy ny
fiainantsika. Reny mpiahy ny madinika, ny sahirana ary ny
osa.
Tsapany fa tsy ho azy irery i Jesoa fa ho an’ny olombelona
rehetra ka nanaiky sy nandinika mandrakariva ny Tenin’i
Jesoa izy. Toy ny nilazan’i Jesoa azy hoe “ravehivavy” fa tsy
hoe “mama”, “izay mihaino sy manatanteraka ny sitra-
pon’Andriamanitra no renin’i Jesoa sy ny anabaviny ary
rahalahiny” hoy Jesoa (Mk 3,35) . Mampianatra antsika koa
Masina Maria mba tsy hitazona ny fahasoavana ho an’ny tena
fa hahay hizara amin’ny hafa. Tsy azy irery i Jesoa ka nanaiky
izy fa na renin’i Jesoa aza dia tonga renin’I Jesoa , anabavin’i
Jesoa, rahalahin’i Jesoa koa ireo olona rehetra manatanteraka
ny sitra-pon’Andriamanitra. Tamin’ny fotoana nijalian’i Jesoa
sy ny nahafatesany dia teo foana i Maria. Nanankinan’i Jesoa
ny Mpianany malalany izy: “Joany indro ny Reninao,
Ravehivavy indro ny zanakao” (Jn 19, 27). Ny tena alahelo
mafy nanjo an’i Maria dia izy nahita ny Zanany maty teo
ambony hazofijaliana ary indrindra izy ilay niampofo an’io
Zanany maty rehefa nesorina teo ambony hazofijaliana io.
Diniho kely ny mahazo ny reny mahita ny menaky ny ainy
maty eo ampofoany!Nanomboka teo koa dia tonga renin’ny
Fiangonana i Masina Maria satria ireo Apostoly no endriky ny
Fiangonana voalohany.
Masina Maria modely ho antsika
Isika kristianina dia manana anjara manana an’i Masina Maria
Reny mpiahy antsika, mpitari-dalana antsika, mpivavaka ho
antsika. Niaina ny Finoana, Fanantenana ary Fitiavana izy.
Tsy vitan’izany ihany fa i Masina Maria koa dia nahita an’i
Jesoa nitsangan-ko velona niaraka tamin’ireo Mpianatra. Fa
tao Jerosalema koa izy nivavaka naharitra niaraka tamin’ireo
Apostoly sy vehivavy sasany (Asa 1,14). Tao amin’ny Senakla
izy ny andro Pantekoty nidinan’ny Fanahy Masina niaraka
tamin’ireo Apostoly. Isika Kristianina Katolika sy ny
Ortodoksa no manome toerana manokana an’i Masina Maria
eo amin’ny Finoana. Tsy mivavaka amin’i Masina Maria isika
fa Andriamanitra irery ihany no hivavahantsika. Fa kosa
mangata-bavaka aminy isika: “Masina Maria
Renin’Andriamnitra mivavaha ho anay mpanota”. Mino ny
Fiangonana fa tsy voakasiky ny fahotana tamin’ny fototra izy
satria nitondra ilay Zanak’Andriamanitra tsy voakasim-
pahotana sy tsy misy pentina. Koa izany indrindra no
haneken’ny Fiangonana fa nampiakarana any an-danitra
vatana sy fanahy izy araka ny fampianaram-pinoana (Dogma)
nomen’i Papa Pie XII nanomboka ny 1 Novambre 1950.
Izany rehetra izany dia milaza sy manambara ny
anjara toeran’i Masina Maria eo amin’ny Eglizy sy eo amin’ny
fiainantsika kristianina. Maro ny fahasoavana azon’ny olona
tamin’ny alalan’i Masina Maria koa aza misalasala miangavy
azy hanampy antsika sy hivavaka ho antsika mba ho tia
an’Andriamanitra sy ny olona rehetra isika. Maro koa ireo
olona nisehoan’i Masina Maria manokana ary lasa toerana
fanovoizam-pahasoavana izany.
Père Nirhy Jeannot +
Aumônier
de l'Aumônerie Catholique Malgache de Paris (FKMP)
Paroisse St Albert le Grand